Душанбе. 13-уми апрел. ОИ «Азия-Плюс» – Додситонии кулл ба ҷавобгарии ҷиноятӣ ҷалб намудан ва ҳабси собиқ директори нерӯгоҳи «Норак»,
намояндаи мардумӣ дар Маҷлиси вакилони халқи шаҳри Норак иҷозат дод.
Собиқ директори нерӯгоҳи бузургтарин дар минтақаи Осиёи Марказӣ Маҳмадулло Қурбонов ва муовини ӯ Маҳмадалӣ Ҳалимов дар азхудкунии маблағҳои давлатӣ ба миқдори наздик ба 380 ҳазор доллари ИМА гумонбар дониста мешаванд.
Дар нишасти хабарӣ муовини додситони кулли ҶТ Абдусамеъ Додобоев изҳор дошт, ки Агентии назорати давлатии молиявӣ ва мубориза бо коррупсияи ҷумҳурӣ аз Прокуратураи генералӣ дархост кард, дахлнопазирии собиқ роҳбари нерӯгоҳи «Норак» чун намояндаи мардумӣ мардумӣ бо мақсади тафтиши даст доштани ӯ дар содир намудани ҷиноят бекор карда шавад.
Собиқ роҳбари нерӯгоҳи «Норак» ва муовини ӯ Маҳмадалӣ Ҳалимов дар ғайриқонунӣ азхуд кардани маблағҳои давлатӣ ба миқдори 1 млн. 282 ҳазору 700 сомонӣ (ҳудуди 380 ҳазор доллари амрикоӣ) гумонбар дониста мешаванд.
Ёдрас мекунем, ки бо Қарори Ҳукумати Ҷумҳурии Тоҷикистон аз 13-уми сентябри соли 2008 Маҳмадулло Қурбонов аз вазифаи директори Нерӯгоҳи барқи обии Норак ба номи Турсун Ӯлҷабоев озод карда шуд.
