Душанбе. 20-уми апрел. ОИ «Азия-Плюс» – Рӯзҳои 23-25-уми апрел дар шаҳри Екатеринбурги Русия Рӯзҳои фарҳанги Тоҷикистон баргузор мешаванд.
Чӣ тавре ки аз Вазорати фарҳанги ҶТ ба ОИ «Азия-Плюс» хабар доданд, чорабиниҳо дар доираи татбиқи лоиҳаи «Аврупо-Осиё: қаламрави фарҳанг» дар Маркази иттилооти китобхонаи «Урал» доир мегарданд.
Ба иттилои манбаъ, нақшаи чорабиниҳо аз саёҳати виртуалӣ дар мавзеъҳои таърихии Тоҷикистон, шиносоӣ бо дастовардҳои мардуми кишвар, баргузории викторинаҳо, вохӯриҳо бо намояндагони ҷомеаи миллӣ, оростани дастурхон бо шириниҳои шарқ ва ғайра иборат аст.
«Ҳамчунин дар намоишгоҳҳо сокинони шаҳри Екатеринбург бо расму оинҳои миллӣ, осори адабиву таърихӣ, фаъолияти театру вазъи кино дар Тоҷикистон ошно хоҳанд шуд», – афзуд манбаъ.
