Душанбе. 28-уми апрел. ОИ «Азия-Плюс» – Шаби гузашта мағозаи маводи ғизоии «Вохӯрӣ» дар шаҳри Душанбе аз тарафи шахсони номаълум мавриди ғорат қарор гирифт.
Чӣ тавре ки аз Вазорати умури дохилии ҶТ ба ОИ «Азия-Плюс» хабар доданд, чор нафар шахсони номаълум вориди мағоза гардида, бо таҳдиди истифодаи силоҳ аз фурӯшанда Акбарҷон Маҳмадҷонов калиди сейфро мегиранд. «Ғоратгарон аз дохили сейф маблағи 4 ҳазор доллари ИМА-ро бо худ гирифта аз ҷойи ҳодиса ғайб мезананд», – гуфт манбаъ.
Ба иттилои манбаъ, аз рӯи ин ҳодиса парвандаи ҷиноӣ боз гардида, корҳои тафтишотӣ идома доранд.
