Душанбе. 8-уми июн. ОИ «Азия-Плюс» – Президенти Тоҷикистон Эмомалӣ Раҳмон ният дорад пагоҳ аз як қатор шаҳру ноҳияҳои вилояти Хатлон боздид намояд.
Чӣ тавре ки ба ОИ «Азия-Плюс» аз хадамоти матбуоти сарвари давлат иттилоъ доданд, дар ҷараёни сафар Эмомалӣ Раҳмон аз ҷамоати Айнии ноҳияи Хуросон, ки аз ҳама бештар аз офати табиӣ хисорот бардошт, боздид хоҳад кард. Бар асари боронҳои шадиди пайдарпай дар ин ноҳия 148 манзили зист пурра ва боз 127 хона қисман зарар диданд.
Ғайр аз ин, сарвари давлат аз ноҳияҳои Бохтару Ҷалолиддини Румӣ ва шаҳри Қӯрғонтеппа низ боздид хоҳад кард.
