Душанбе. 20-уми июл. ОИ «Азия-Плюс» – Кумитаи телевизиону радиои назди ҳукумати ҶТ барои кормандони ин соҳа як ниҳоди такмили ихтисос таъсис доданист.
Чӣ тавре ки ба ОИ «Азия-Плюс» раиси кумитаи мазкур Асадулло Раҳмонов иттилоъ дод, сохтори номбурдаро дар заминаи маркази миллии аудиовизуалӣ, ки дар назди кумита фаъолият дорад, ташкил карданианд. «Мо бо чунин пешниҳод ба ҳукумати ҷумҳурӣ муроҷиат намуда, умедворем, ки дар оғози соли ҷорӣ он ба фаъолият шурӯъ хоҳад кард ва дар он ба ҷуз такмили ихтисоси кормандон, ҳамчунин баҳри ба кор омода сохтани рӯзноманигорони ҷавон, мутахассисони корҳои насб ва наттоқону дигар касбҳо шароит фароҳам хоҳад шуд», – гуфт ӯ.
Дар мавриди нақшаҳои ояндаи кумита А.Раҳмонов гуфт, боз ифтитоҳи як шабакаи махсуси варзишӣ ва шабакаи иттилоотӣ бо забони хориҷӣ дар назар аст.
