Наҷотдиҳандагон ҷасади ду нафар шаҳрвандонро, ки рӯзи 5-уми ноябр дар ағбаи Оббурдони вилояти Суғд зери тарма монда, ба ҳалокат расида буданд, дарёфт карданд.
Тавре ба ОИ «Азия-Плюс» сардори маркази матбуоти Кумитаи ҳолатҳои фавқулоддаи назди ҳукумати ҷумҳурӣ Орифҷон Нозимов хабар дод, корҳои ҷустуҷӯйӣ рӯзи 7-уми ноябр ба анҷом расида, ҷасади ду нафар сокинони ноҳияи Кӯҳистони Мастчоҳ – Исмоил Назиров 48-сола ва Мирзошариф Давлатови 46-сола ба хешовандонашон супурда шудаанд.
Кумитаи ҳолатҳои фавқулоддаи назди ҳукумати ҷумҳурӣ огоҳ месозад, ки дар ноҳияҳои кӯҳистони кишвар имкони фаромадани тарма ва ярч вуҷуд дошта, ҳаракати нақлиёт дар ағбаҳо манъ карда шудааст.
