Деҳоти Маданият, Пахтакор ва Ниёзбеки ҷамоати ба номи Эргаш Шарифови шаҳри Конибодм аз офати табиӣ хисорот бардоштанд.
Чуноне ба хабарнигори ОИ «Азия-Плюс» аз ситоди тамринҳои комплексии ситодии шаҳр хабар доданд, фаромадани сел соати 20:00-и шом оғоз гардида, ҳавзи парвариши моҳӣ, якчанд қитъаи қаламрави фермаи хурди парандапарварӣ ва ҳамчунин майдонҳои кишти хоҷагиҳои зикршуда зери лойқаву санг мондаанд.
Дар натиҷаи чораҳои саривақт андешидаи ҳукумати маҳаллӣ, намояндагони дар тамрин иштирокдоштаи Кумитаи ҳолатҳои фавқулода ва мудофиаи граждании ҶТ, сокинон ба ҷойи бехавф кӯчонида шуда, дар қисматҳои ҷудогонаи Канали калони Фарғона корҳои соҳилмустаҳкумкунӣ баргузор шуданд.
Комиссияи махсуси таъсисёфта оид ба ҲФ ба муайян кардани ҳаҷми зарари расида машғул аст.
Ёдрас мекунем, ки шуруъ аз 24-уми апрел дар Конибодом бо иштироки хадамоти ҷумҳуриявӣ ва вилоятии Кумитаи ҲФ ва ҳамчунин вазорату идораҳо тамринҳои хадамоти маҳаллии мудофиаи гражданӣ баргузор шуда истодаанд.
