Сандуқи сармоягузории Тоҷикистон ба санаи 1-уми апрели соли 2012 дорои 60 лоиҳаҳои давлатӣ мебошад, ки маблағи умумии онҳо 9,2 млрд. сомонӣ (беш аз 1,9 млрд. $)-ро ташкил медиҳад.
Тавре аз хадамоти матбуоти Кумитаи давлатии сармоягузорӣ ва идораи амволи давлатии ҶТ хабар доданд, айни замон дар кишвар 21 лоиҳаи қарзии сармоягузорӣ, 24 лоиҳаи бурсӣ амал карда, маблағгузории боз 15 лоиҳа ҳам аз ҳисоби қарзҳо ва ҳам дар асоси кӯмаки бебозгашт татбиқ мешавад.
Ба иттилои манбаъ, дар семоҳаи аввали соли равон амалисозии як лоиҳаи сармоягузории давлатӣ оғоз гардидааст. «Дар маҷмуъ, татбиқи лоиҳаҳои сармоягузории амалкунанда аз ҳисоби 19 сарчашма маблағгузорӣ мешавад», – гуфт манбаъ.
Зикр гардид, ки дар семоҳаи аввали соли ҷорӣ ҳаҷми азхудкунии воситаҳои лоиҳаҳои давлатии сармоягузорӣ 40 млн. $ маблағро ташкил додааст, ки аз нақшаи пешбинишуда 8,1% зиёдтар аст.
