Субҳи имрӯз пас аз бемории начандон тӯлонӣ модари Муҳиддин Кабирӣ, раиси Ҳизби наҳзати исломии Тоҷикистон ва вакили палатаи поёнии парлумони ҷумҳурӣ дар сини 76-солагӣ аз олам даргузашт.
Тавре ба ОИ «Азия-Плюс» аз қароргоҳи маркази ҲНИТ хабар доданд, маросими ҷанозаи марҳум Соҷигул Ёрова нимаи дуюми имрӯз баргузор мешавад. Ӯ дар зодгоҳаш – деҳаи Қасамдараи ноҳияи Файзобод ба хок супурда мешавад.
