Имрӯз нахуствазири Тоҷикистон Оқил Оқилов ҷиҳати иштирок дар ҷаласаи Шӯрои нахуствазирони кишварҳои узви Иттиҳоди Давлатҳои Мустақил ба пойтахти Туркманистон – шаҳри Ашқобод сафар кард.
Тавре аз котиботи нахуствазири ҷумҳурӣ хабар доданд, дар ҷаласаи Шӯрои нахуствазирони кишварҳои узви ИДМ баррасии 30 лоиҳаву ҳуҷҷатҳо дар самтҳои гуногуни ҳамкориву ҳамгиройии кишварҳои узви иттиҳод дар назар аст. Баррасиву таҳлили лоиҳаҳои қарор дар бораи Консепсияи озодкунии бозорҳои хизматгузории молиявии кишварҳои узви ИДМ аз ҷумлаи масоили муҳими ҷаласа маҳсуб меёбад.
«Дар Ашқобод ҳамчунин дидору гуфтушуниди Оқил Оқилов бо ҳамтоҳои худ аз кишварҳои узви ИДМ ба нақша гирифта шудааст.
