Дар моҳҳои январ-майи соли равон Тоҷикистон ба хориҷи кишвар ба маблағи беш аз 4 млн. доллари ИМА нерӯи барқ содирот кард.
Бино ба маълумоти Агентии омори назди президенти ҷумҳурӣ, дар ҳамин давраи соли гузашта Тоҷикистон ба маблағи беш аз 1,2 млн. доллари ИМА нерӯи барқ содирот карда буд. Агентии мазкур дар бораи ҳаҷми нерӯи барқи содиротшуда маълумот намедиҳад.
Дар ҳамин ҳол, мутобиқи маълумоти ҳамин Агентӣ, дар моҳҳои январ-майи соли 2012 дар Тоҷикистон беш аз 7 млрд. кВт/соат нерӯи барқ истеҳсол карда шудааст, ки зиёда аз 1,4 млрд. кВт/соати он ба моҳи майи соли равон рост меояд.
