Дар нақби «Шаҳристон», ки минтақаҳои шимолу ҷануби ҷумҳуриро ба ҳам мепайвандад, аввалин садамаи нақлиёти марговар рух дод.
Бино ба маълумоти Вазорати корҳои дохилии ҷумҳурӣ, рӯзи 3-юми ноябр ронандаи автомашинаи тамғаи «Опел-Астра» Абдуҳофиз Абдураҳимов зимни ҳаракат дар нақби «Шаҳристон» аз ӯҳдаи идораи воситаи нақлиёт набаромада, автомашинаи таҳти идораи ӯ ба автомашинаи тамғаи «Стар»-и ширкати сохтмонии Чин бармехӯрад.
«Бар асари ин бархӯрд ронанда ва мусофири автомашинаи «Опел» ҷароҳат бардошта, ба бемористон мунтақил мегарданд ва баъди чанде мусофир ба ҳалокат расидааст», – гуфта мешавад дар иттилои ВКД.
Ёдрас мекунем, ки санаи 27уми октябр бо иштироки сарвари давлат Эмомалӣ Раҳмон маросими мавриди истифода додани нақби «Шаҳристон» доир гардид. Нақб дар километри 180-уми роҳи мошингарди Душанбе-Хуҷанд, миёни ноҳияҳои Айнӣ ва Шаҳристони вилояти Суғд воқеъ аст. Масофаи нақб беш аз 5 километррро ташкил медиҳад.
Нақб яке аз қисматҳои лоҳаи таъмиру азнавсозии роҳи мошингарди Душанбе-Чаноқ маҳсуб меёбад. Паймонкори кулли лоиҳа ширкати «China Road»-и Чин мебошад.
