Ахири моҳи декабр дар шаҳри Қӯрғонтеппа як корхонаи хурди заргарии ҶДММ «Майрамбибӣ» ба истифода дода шуд, ки дар он маҳсулоти заргарӣ аз нуқра бо анъанаҳои халқии тоҷикӣ истеҳсол карда мешавад.
Бино ба маълумоти хадамоти матбуоти Вазорати энергетика ва саноати ҷумҳурӣ, айни замон дар корхонаи заргарӣ 10 нафар коргар фаъолият дошта, тибқи нақша дар оянда то 40 нафар ҷойҳои нави корӣ ташкил карда хоҳад шуд.
Тибқи иттилои вазорати мазкур, соли гузашта дар ҷумҳурӣ 237 корхона ва коргоҳҳои нав таъсис дода шуданд, ки дар онҳо беш аз 5 ҳазору 300 нафар бо ҷойҳои корӣ таъмин гардиданд. Дар ин давра дар вилояти Хатлон 67 корхона ва 42 коргоҳ таъсис дода шудааст.
