Соли 2012 сатҳи таваррум дар бахши истеъмолии Тоҷикистон 6,4%-ро ташкил дод.
Бино ба маълумоти Бонки миллии ҷумҳурӣ, моҳи декабри соли гузашта нархҳои истеъмолӣ ва тарофаҳои хизматрасонӣ дар ҷумҳурӣ ҳамагӣ ба андозаи 0,1% боло рафтаанд.
Қаблан раиси Бонки миллии Тоҷикистон
Абдуҷаббор Ширинов
изҳор дошта буд, ки дар муқоиса бо пешбиниҳои интизоридошта суръати афзоиши нархҳои истеъмолӣ соли равон камтар шуданд. Аввали соли равон БМТ мизони таваррум аз рӯи натиҷаҳои соли равонро дар сатҳи 10,2% пешгӯӣ карда буд.
«Барои ноил гардидан ба ин натиҷаҳо мо иқдомоти муайяне, аз ҷумла меъёри бозтамвилро аз 9,80% то 6,50%-и солона поин бурда талабот ба захираҳои ҳатмии бонкҳоро низ ба андозаи 2% коҳиш додем», – гуфта буд ӯ.
Ёдрас мекунем, ки соли 2010 сатҳи таваррум дар бахши истеъмолии Тоҷикистон 9,8% ва аз рӯи натоиҷи соли 2011 – 9,3%-ро ташкил дода буд.
Бонки миллӣ мизони таваррум дар соли равонро дар сатҳи 9% пешгӯӣ мекунад.
