Чанде қабл зимни мулоқоти вазири нақлиёти Ҷумҳурии Тоҷикистон Низом Ҳакимов бо афири фавқулодда ва мухтори Британияи Кабир дар Ҷумҳурии Тоҷикистон Робин Орд Смит масъалаи истифодаи қаламрави Тоҷикистон зимни хурӯҷи нерӯҳои низомии бриониёӣ аз Афғонистон мавриди баррасӣ қарор гирифт.
Бино ба маълумоти хадамоти матбуоти Вазорати нақлиёти ҷумҳурӣ, дар вохӯрӣ ба масъалаи тезонидани корҳо дар самти ба имзо расонидани Созишнома оид ба алоқаи ҳавоӣ байни Ҳукумати Ҷумҳурии Тоҷикистон ва Ҳукумати Шоҳигарии Британияи Кабир таваҷҷуҳи хосса зоҳир гардид.
Ба иттилои манбаъ, инчуни дар рафти мулоқот масъалаи ба имзо расонидани «Созишнома байни Ҳуқумати Ҷумҳурии Тоҷикистон ва Ҳукумати Шоҳигарии Британияи Кабир ва Ирландияи Шимолӣ оид ба таъмини транзити амволи низомӣ ва афсарон тавассути қаламрави Ҷумҳурии Тоҷикистон, бинобар иштироки қушунҳои мусаллаҳи Британияи Кабир дар саъю талошҳои байналмилалӣ ҷиҳати ба эътидоловарӣ ва барқарорсозии Ҷумҳурии Исломии Афғонистон» баррасӣ карда шуд.
