Дар минтақаи шимоли ҷумҳурӣ тамоили камшавии ҳодисаҳои худкушӣ нисбат ба ҳамин давраи соли гузашта ба мушоҳида мерасад.
Тавре ба ОИ «Азия-Плюс» аз Раёсати ВКД ҶТ дар вилояти Суғд хабар доданд, дар зарфи 3 моҳи соли равон дар қаламрави вилоят 60 далели даст ба худкушӣ задан ба қайд гирифта шудааст, ки нисбат ба ҳамин давраи соли гузашта 11 ҳодиса камтар мебошад.
Ба иттилои манбаъ, миёни ин афрод 33 нафарашон мардону 5 писари ноболиғ ва 27 тан занону 1 духтари ноболиғ буда, 14 нафар бо сабаби носолимӣ, 6 нафар бар асари ҷанҷолҳои оилавӣ, ду нафар дар натиҷаи вазъи бади молӣ ва боқимонда бо сабабҳои гуногун даст ба худкушӣ задаанд.
Зимнан зикр гардид, ки аксари ин шахсон (53 нафар) тавассути худро ба дор овехтан ба ҳалокат расидаанд. Дар ин давра аз рӯи далели то ба худкушӣ оварда расонидан парвандаи ҷиноӣ боз нашудааст.
