Созмони ғайриҳукуматии амрикоии Freedom House гузориши солонаи «Озодии матбуот дар соли 2013-ум»-ро интишор намуд.
Дар рейтинг ба озодии ВАО дар 197 кишвари дунё баҳогузорӣ шудааст. Онҳо ба кишварҳои озод (аз 0 то 30 балл), қисман озод (аз 31 то 60 балл) ва ноозод (аз 61 то 100 балл) тасниф мешаванд. Дар рейтинги имсола Тоҷикистон дорои 79 балл, як балл камтар аз Русия аст.
Миёни кишварҳои минтақаи Осиёи Марказӣ танҳо Қирғизистон яке аз кишварҳои нисбатан озод боқӣ монда, дар рейтинг зинаи 69-умро ишғол мекунад. Қазоқистон ба 84 балл соҳиб шудааст. Ӯзбекистону Туркманистон боз чун кишварҳои «ноозод»-и Белорусу Куба, Гвинеяи Экваториалӣ, Эритрея, Эрон ва Кореяи Шимолӣ ба рӯйхати кишварҳои «бадтарин» шомил гардидаанд. Русия дар рейтинг 80 балл касб намудааст.
Норвегияву Шветсия бо 10 баллӣ дар мақоми аввал ва Белгияву Финландив ва Нидерланд бо 11 баллӣ аз паси онҳо ҷойгир шудаанд.
