Нахуствазири Шоҳигарии Та
и
ланд Йинглак Шинаватра дар ҷараёни сафари расмии худ ба Тоҷикистон бо президенти Тоҷикистон Эмомалӣ Раҳмон ва раиси Маҷлиси Намояндагони Маҷлиси Олӣ Шукурҷон Зуҳуров ва сарвазири кишвар Оқил Оқилов муло
қ
от анҷом медиҳад.
Ба иттилои Вазорати корҳи хориҷии ҶТ, сарвазири Шоҳигарии Таиланд субҳи 19-уми август озими пойтахти Тоҷикистон мешавад.
Дар нимаи дуввуми ҳамин рӯз Эмомалӣ Раҳмон ӯро дар Кохи Миллат ба ҳузур мепазирад. Инчунин мулоқоти намояндагони ҳукуматии ду кишвар дар ҳайати густарда доир мегардад. Дар фарҷоми ин вохӯриҳо як зумра аснод имзо хоҳанд шуд.
Шинаватра баъдан аз майдони «Дӯстӣ»-и пойтахт боздид намуда, он ҷо ба ҳайкали Исмоили Сомонӣ гул мегузорад.
Баъд аз ин, сарвазири Таиланд бо раиси МНМО ҶТ Шукурҷон Зуҳуров вохӯрӣ мекунад. Охири рӯз ин мақоми баландпояи Таиланд ба Осорхонаи миллии қадимаи Тоҷикистон ташриф меорад.
Дар рӯзи дуюми сафар Шинаватраро сарвазири Тоҷикистон Оқил Оқилов дар қароргоҳи ҳукуматии пойтахт ба ҳузур хоҳад пазируфт.
Бозгашти Шинаватра ба Таиланд низ дар ҳамон рӯз муқаррар шудааст.
