Чанде қабл зимни мулоқоти раиси Раёсати БДА ҶТ «Амонатбонк» Гулнора Ҳасанова бо намояндагони «Новикомбанк»-и Русия масъалаҳои ҳамкории дуҷониба миёни «Амонатбонк» ва ҶДММ «Новикомбанк» мавриди баррасӣ қарор гирифт.
Бино ба иттилои хадамоти матбуоти БДА «Амонатбонк», Гулнора Ҳасанова ва ҳайати кории меҳмонон бо сарварии муовини президенти ҶДММ «Новикомбанк» хонум Ширинская Е.Б. аз ҳамкории мутақобила миёни Амонатбонк ва Новикомбанк қаноатмандӣ изҳор намуданд.
Ба иттилои манбаъ, тарафҳо масъалаҳои ҳамкорӣ дар бозори асъор ва коғазҳои қиматтнок, амалиётҳои бонкнотӣ, маблағгузории ғайринақдӣ ва ҳамчунин маблағгузории мақсаднок дар соҳаи савдоро мавриди муҳокима қарор дода, дар анҷоми мулоқот тарафҳо ба хулосае омаданд, ки муносибатҳои судманд миёни бонкҳо бояд дар сатҳи олӣ ба роҳ монда шавад.
Қобили зикр аст, ки ҶСК Бонки саҳҳомиву тиҷоратии «Новикомбанк» ба қатори 40 бонки бузургтарини Русия дохил шуда, дороиҳои бонк ба санаи 1-уми октябри соли ҷорӣ 152 млрд. рублро ташкил медиҳанд.
