Пас аз сӯхтори шаби гузашта бинои ҳукумати ноҳияи Роштқалъаи ВМКБ комилан хароб гардид.
Котиби матбуотии раиси ВМКБ Сабоҳат Маҳмадшоева ба ОИ «Азия-Плюс» дар ин робита иттилоъ дод, ки барои хомӯш кардани сӯхтор, ки соати 02:30 сар зад, аз Хоруғ ду дастаи оташинишонон сафарбар шуда буданд. «Дар роҳ яке аз автомашинаҳои сӯхторнишинон ба садама дучор гардида, ду нафар кормандони хадамоти оташнишонӣ ҳалок ва ду нафари дигарашон дар бемористон бистарӣ шуданд», – гуфт ӯ.
Ба гуфтаи Маҳмадшоева, раиси вилоят Шодихон Ҷамшедов соати сеи шаб ба ҷойи ҳодиса ҳозир шуда, роҳбарии комиссияи вилоятӣ оид ба ошкор кардани сабабҳои сар задани сӯхторро ба уҳда гирифт.
Зимнан зикр гардид, ки субҳи имрӯз кормандони ҳукумати ноҳияи Роштқалъа дар биноҳои шуъбаи маориф ва шуъбаи кор бо собиқадорон ҷойгир карду шуда, бо реҷаи муқаррарӣ фаъолият доранд.
