Сокинони шаҳрҳои нисбатан бузурги Тоҷикистон ба Бонки миллии ҷумҳурӣ дар робита ба кори ғайриқаноатбахши банкоматҳои бонкҳои пешсафи ҷуҳурӣ шикоят карданд.
Бино ба иттилои хадамоти матбуоти БМТ, тайи ҳафтаи гузашта тариқи телефони боварӣ оид ба ин масъала шикояту пешниҳодҳо расидаанд.
Ба иттилои манбаъ, аз ҷумла, шаҳрвандони шаҳрҳои Душанбе, Қурғонтеппа ва Кӯлоб оид ба кор накардани банкоматҳои бонкҳои ҶСК “Агроинвестбонк”, ҶСК “Тоҷиксодиротбонк”, БДА “Амонатбонк”, мавҷуд набудани пули нақд ва пеш омадани мушкилот ҳангоми гирифтани маблағ дар онҳо шикоят намуданд.
«Дар ҳамкорӣ бо кормандони масъули бонкҳои хизматгузор масъалаҳои ба миён омада бо андешидани чораҳои фаврӣ ҳал гардида, бо кӯшишҳои муштараки масъулин дар муддати аз як то якуним соат банокматҳо дубора фаъол гардонида шуданд», – омадааст дар хабари БМТ.
Ҳамчунин гуфта мешавад, маълум гардидааст, ки банкоматҳои мазкур бинобар сабаби қатъ шудани барқ ва нуқсони техникӣ муваққатан аз фаъолият бозмонда будаанд.
