Дар пайи ба даст овардани Ҷоми Федератсия дастаи «Истиқлол»-и Душанбе ба Суперҷоми футболи Тоҷикистон низ соҳиб шуд.
Дар вохӯрӣ миёни ин даста ва чемпиони мавсими гузаштаи футболи Тоҷикистон – «Равшан»-и Кӯлоб дар Варзишгоҳи марказии ҷумҳуриявӣ футболбозони душанбегӣ бо ҳисоби калонӣ 5 бар 0 бар ҳарифонашон дастболо шуда, бори чаҳорум ба Суперҷоми футболи кишвар дастёб шуданд.
Дар вазъи тантанавӣ Суперҷомро ба капитани дастаи «Истиқлол» Дилшод Восиев президенти Федератсияи ҷаҳонии футбол (ФИФА) Йозеф Блаттер тақдим кард, ки бо сафари расмӣ дар Тоҷикистон қарор дорад.
Соли гузашта дастаи «Равшан»-и Кӯлоб дар майдони худ дастаи «Регар-ТадАЗ»-и Турсунзодаро бо ҳисоби 2 бар 1 шикаст дода, Суперҷоми футболи Тоҷикистонро ба даст оварда буд. То ин дам се дафъа дар вохӯриҳо барои дарёфти Суперҷом дастаи «Истиқлол» ғолиб омада буд.
