Зимни баргузории амалиёти фаврӣ-ҷустуҷӯии кормандони милиса дар қаламрави ноҳияи Истаравшани вилояти Суғд ба гумони даст доштан дар муомилоти ғайриқонунии маводи мухаддир сокини 26-солаи шаҳри Конибодом Зафар Ҳошимов боздошт шуд.
Бино ба иттилои маркази матбуоти Вазорати корҳои дохилии ҷумҳурӣ, аз боздоштшуда 24 килову 862 грамм маводи мухаддири ҳашиш ва 651 грамм маводи сахттаъсири героин дарёфт ва мусодира шудааст.
Гуфта мешавад, аз рӯйи ин далел парвандаи ҷиноӣ боз шуда, тафтиш идома дорад.
