Чанде қабл дар толори суди шаҳри Кӯлоб қазияи пурсарусадои ҳамла ба раиси ҲНИТ Муҳиддин Кабирӣ дар ин шаҳр бо помидору тухми мурғ бо муҷозоти «майдааавбошон» анҷом пазируфт.
Тавре ба «Азия-Плюс» як манбаъ аз суди шаҳр хабар дод, барои риоя накардани талаботи моддаи 460 (майдаавбошӣ)-и Кодекси маъмурии ҶТ шуъбаи маҳаллии корҳои дохилӣ нисбати 10 нафар ҳамчун афроди ба сӯи Кабирӣ помидору тухм партофта ва ҳамчунин шахсони монеъаэҷодкун аз ҳисоби намояндагони «ҷавонон»-и Кӯлоб мавод таҳия намуд.
Ба гуфтаи манбаъ, дар натиҷа суд ба 3 нафар – шахсони бо помидору тухм ба раиси ҲНИТ ҳамлакарда – Сафаралӣ Шарифов ва Бобохон Сафаров ва ҳамчунин намояндаи «ҷавонони Кулоб Насрулло Раҷабов» ҳабси маъмурӣ ба муҳлати 5 шабонарӯз ва ба ҳафт нафари дигар, аз ҷумла як зан, ҷаримаи маъмурӣ дар ҳаҷми 280 сомонӣ барои ҳар кадоме ҷазо таъин кард.
