Симон Райт, директори Коллеҷи улуми ҷамъиятӣ ва таҳқиқоти байнулмилалии Донишгоҳи Экситер, ки дар он Александр Содиқов ба ҳайси корманди илмӣ фаъолият мекунад, рӯзи 17-уми июн дар робита ба боздошти аспиранти тоҷик изҳороти расмӣ пахш намуд.
«Александр Содиқов, ки тибқи қарордод бо Донишгоҳи Экситер кор мекунад, ҳангоми баргузор намудани мусоҳиба бо намояндаи ҷомеаи шаҳрвандӣ дар шаҳри Хоруғ, минтақаи шарқи кишвар – Бадахшон боздошт шуд. Ҳадафи сафари ӯ ба Бадахшон танҳо ба баргузории кори илмиаш вобаста аст», – зикр мегардад дар изҳорот.
Ҳамчунин гуфта мешавад, Содиқов аз рӯи лоиҳаи маблағгузоришуда аз ҷониби Шӯрои илмии Британия таҳти унвони «Нерӯҳои пайдомешуда ва идораи ихтилофҳо дар Осиёи Марказӣ» таҳқиқот анҷом медод, ки ба ин лоиҳа Донишгоҳи Нюкастл ва ТҒД «Safeworld низ ҷалб шудаанд.
Бо хадамоти матбуоти Донишгоҳи Экситер метавон бо суроғаи почтаи электронии
[email protected]
ё телефони 01392 722405 дар тамос шуд.
