Ояндаи наздик ҷамъияти дӯстии «Тоҷикистон – Фаронса» таъсис дода мешавад.
Дар ин бора зимни дидору гуфтушуниди Сайдулло Хайруллоев, раиси Ҷамъияти дӯстӣ ва равобити фарҳангии Тоҷикистон бо кишварҳои хориҷӣ (ҶДРФТ) ва Дидйе Леруа –сафири Фаронса дар Тоҷикистон тавофуқ ҳосил шуд.
Сайдулло Хайруллоев ба дипломати фаронсавӣ маълумот дод, ки айни замон дар назди ҶДРФТ 19 анҷумани дӯстӣ ва ҳамкорӣ фаъолият дорад.
Дипломати фаронсавӣ иқдоми таъсиси ҷамъияти дӯстии «Тоҷикистон – Фаронса»-ро дастгирӣ намуда, зикр кард, ки баҳри амалисозии он кӯшиш ба харҷ дода, аз тамоми имконот истифода хоҳад кард.
