Имрӯз дар шаҳри Хуҷанд бо иштироки сарвари давлат Эмомалӣ Раҳмон Иди асалу харбуза баргузор мешавад.
Тавре ба «Азия-Плюс» аз хадамоти матбуоти раиси вилояти Суғд хабар доданд, имрӯз президенти мамлакат ҳамчунин аз намоишгоҳи маҳсулоти кишоварзӣ дар майдони назди муҷассамаи Камоли Хуҷандӣ низ боздид мекунад.
Ба иттилои манбаъ, дар Иди харбуза кишоварзони 10 ноҳияҳои вилоят ва дар Иди асал занбӯриасалпарварони Иттиҳодияи занбӯриасалпарварони вилояти Суғд ва ҳамчунин занбӯриасалпарварони 12 шаҳру навоҳии минтақаи шимоли кишвар иштирок мекунанд.
Зимнан зикр гардид, ки дар Иди харбуза беш аз 20 навъи харбуза, 5 навъи тарбуз ва 8 навъи каду ба маърази тамошо гузошта мешавад.
