Як сокини вилояти Суғд, ки чанде қабл мавриди афв қарор гирифта буд, падарашро ба қатл расонид.
Тавре ба «Азия-Плюс» як манбаъи муътамад дар мақомоти ҳифзи ҳуқуқи вилояти Суғд хабар дод, чанде қабл шомгоҳон сокини 31-солаи ҷамоати Дар-Дари ноҳияи Айнӣ Табур Ғафуров зимни муноқиша бо падари 55-солааш ӯро бо як чӯбе ба сараш мезанад.
Ба иттилои мнбаъ, бар асари ин зарба мард ҷароҳат бардошта, дар ҷорйи ҳодиса ба ҳалокат расидааст.
Табур Ғафуров соли 2010 мутобиқи моддаҳои 111 (Қасдан расонидани зарари миёна ба саломатӣ) ва 244 (Дуздӣ)-и КҶ ҶТ маҳкум шуда буд. Санаи 4-уми ноябри соли равон мувофиқи Қонун «Дар бораи афв» мавриди афв қарор гирифт.
«Аз рӯйи ин далел барои оғози парвандаи ҷиноӣ мутобиқи моддаи 110, қ. 3-и КҶ ҶТ (Қасдан расонидани зарари вазнин ба саломатӣ, ки аз беэҳтиётӣ боиси фавти ҷабрдида гардида бошанд) чораҷӯӣ шуда, тафтишот дар ин самт идома дорад», – гуфт манбаъ.
