Бо қарори раиси шаҳри Душанбе Маҳмадсаид Убайдуллоев, реҷаи навбатдории шабонарӯзии муовинони раиси пойтахт ва муовинони раисони ноҳияҳои шаҳри Душанбе дар мавсими зимистон тасдиқ карда шуд.
Тавре котиби матбуотии раиси пойтахт Шавкат Саидов хабар дод, роҳбарони хадамоти коммуналии шаҳр низ дар реҷаи навбатдории шабонарӯзӣ кор мекунанд.
«Ҳангоми навбатдорӣ шахсони мансабдор барои таъмин ва назорати фаъолияти мунтазами соҳаҳои ҳаётан муҳим ва ҳаллу фасли фаврии мушкилоту ниёзмандиҳои сокинони шаҳр масъулияти шахсӣ доранд», – гуфт ӯ.
Зимнан зикр гардид, ки реҷаи навбатдории шабонарӯзии мансабдорони давлатии пойтахт то ахири моҳи март идома меёбад.
