Дар натиҷаи гузаронидани чораҳои махсуси оперативӣ-ҷустуҷӯйӣ аз тарафи кормандони Раёсати минтақавии гумрукии вилояти Суғд се далели фуруши ғайриқонунии маводҳои пиротехникӣ ошкор карда шуд.
Бино ба маълумоти дафтари матбуоти Хадамоти гумруки назди ҳукумати ҶТ, аз ҷумла аз Зокиров Ҳотамҷони 20-сола , истиқоматкунандаи шаҳри Хуҷанд миқдори 22 ҳазор дона маводҳои пиротехникӣ, аз Солиев Додои 52-сола, истиқомат кунандаи ноҳияи Конибодом дар се куттӣ ба миқдори 1,5 ҳазор адад маводи тарфгарии навъи хлопушка ва аз Соҳибов Муҳаммадии 52-сола, истиқоматкунандаи ноҳияи Конибодом ба миқдори се қуттӣ, ки 1,5 ҳазор дона маводҳои дигари тарфгарӣ дошт, дарёфт ва мусодира карда шудааст.
Гуфта мешавад, дар маҷмӯъ аз рӯйи ин делелҳо 25 ҳазор адад маводи тарфгарӣ мусодира гардида, нисбати афроди дар ин амал дастдошта чораҳои дахлдор андешида мешаванд.
