Пауло Коэло, шоир ва нависандаи машҳури Брозил дар саҳифаи иҷтимоии
Твиттераш
дар вокуниш ба иқдоми ваҳшиёнаи ДИИШ дар сӯзонидани Муоз ал-Кассосбеҳ, халабони урдунӣ ба табъиз қоил шудан миёни кушташудагони фаронсавӣ дар Аврупо ва қурбониёни терроризм дар Ховари Миёна интиқод кард.
Ӯ дар саҳифаи Твиттераш навишт:
“Дар аҷабам аз миллионҳо нафаре, ки мегуфтанд: “Ман Шарлӣ ҳастам”, ҳоло куҷо ҳастанд, ки твит кунанд: “Ман Муоз ҳастам”?
7-уми январи соли 2015 гуруҳи мусаллаҳ аз ДИИШ ба идораи маҷаллаи ҳаҷвии «Шарли Эбдо» ҳамла карда, ҷониби кормандони он тир кушоаданд. Мақомоти қудратии Париж иттилоъ дода буданд, ки дар натиҷаи амали ваҳшиёна 12 нафар, аз ҷумла ҳайати роҳбарикунанда ва ходимони эҷодии маҷаллаи мазкур, ду корманди пулис, шореҳи радиои «Франс Интер» ба ҳалокат расида, 11 нафари дигар ҷароҳатҳои вазнин бардошта буданд.
Баъди ин ҳодиса дар чанд шаҳрҳои бузурги Аврупо мардум алайҳи ин қазия раҳпаймоӣ намуда зидди Ислом шиор доданд.
Ин изҳори нависандаи машҳури Брозил вобаста ба сӯзонида шудани халабони урдунӣ аз тарафи террористҳои ДИИШ сурат гирифтааст.
ДИИШ бо нашри як навор дар шабакаҳои иҷтимоӣ аз зинда ба зинда сӯзонидани Муоз Ал-Касосбеҳро хабар додаанд.
Бан Ки Мун, дабири кулли СММ амали террористҳоро маҳкум намуда изҳор доштааст:
“Қатли халабони урдунӣ иқдоми ваҳшиёна аст ва ҳамаи давлатҳо бояд барои мубориза бо терроризм ва ифротгароӣ тибқи муқаррарот амал кунанд”.
