Рӯзи 7 марти соли равон 1 ҳодисаи ғайриқонуни вайрон намудани хати сарҳад ба қайд гирифта шуд, ки аз тарафи сарҳадбонони тоҷик ва кормандони фаврии РКДАМ ҶТ пешгирӣ карда шуд.
Тавре аз маркази матбуоти Сарраёсати Қӯшунҳои сарҳадии Кумитаи давлатии амнияти миллии Ҷумҳурии Тоҷикистон хабар доданд, дар минтақаи дидбонгоҳи сарҳадии «Фархор»-и отряди сарҳадии Ҳамадонӣ дар қитъаи сарҳади Тоҷикистону Афғонистон як гурӯҳи номаълуми қочоқбарони афғон, ки сарҳади давлатии Тоҷикистонро ғайриқонунӣ убур менамуданд, бо наряди сарҳадбонони тоҷик ва кормандони фаврӣ рӯ ба рӯ шуданд.
Сарҳадбонон мувофиқи Оинномаи Қӯшунҳои сарҳадӣ амал намуда, вайронкунии сарҳадро пешгирӣ намуданд.
«Мутаасифона байни сарҳадбонони тоҷик ва вайронкунандагони сарҳад задухӯрди мусаллаҳона ба вуқӯъ пайваста, сарҳадбонони тоҷик чусту чолокӣ ва муқовимат нишон доданд, ки дар натиҷаи он шахсони номаълуми қочоқбарони афғон тариқи ҷангалзор ақибнишинӣ намуда, ба тарафи соҳили Афғонистон баргаштанд», – омадааст дар хабар.
Ба иттилои манбаъ, дар натиҷаи ҷустуҷӯ ва азназаргузаронии ҷои ҳодиса 2 нафар қочоқбарони тоҷик дастгир шуданд, ки яке Умаров Шӯҳрат Исоевич соли таваллуд 1983 миллат тоҷик, маълумот олӣ, оиладор соҳиби ду фарзанд, зода ва истиқоматкунандаи ҷамоати Дарқади ноҳияи Фархор ва дуюмин Завқибеков Сайфидин соли таваллуд 1990, миллат тоҷик, маълумот миёна, муҷаррад, зода ва истиқоматкунандаи ноҳияи Фархор кӯчаи Н.Исҳоқӣ хонаи №2, ки дар вақти боздошт, ҳамроҳи худ бо 19 кг 400 гр героин, 7 кг 500 гр афюн доштанд, дарёфт ва мусодира карда шуд.
