Соли ҷорӣ воридоти гилхок (глинозем) ба Тоҷикистон аз хориҷи кишвар беш аз 42% коҳиш ёфт.
Бино ба маълумоти Агентии омори назди президенти ҶТ, тӯли 2 моҳи соли равон ба ҷумҳурӣ аз хориҷи кишвар ба маблағи умумии 18,4 млн. доллари ИМА 35,3 ҳазор тонна гилхок ворид карда шудааст. Дар зарфи 2 моҳи соли 2014 ба Тоҷикистон ба маблағи умумии 31,8 млн. доллари ИМА 61,2 ҳазор тонна чунин ашёи хом барои истеҳсоли алюминий ворид гардида буд.
Қобили зикр аст, ки ба Тоҷикистон гилхок асосан аз Италия, Қазоқистон, Озарбойҷон, Ямайка, Бразилия, Эстония ва Туркия ворид карда мешавад.
