Давоми ҳафтаи равон қурбҳои миёнаи рубли русӣ ва евро дар бозори асъори Тоҷикистон каме коҳиш ёфтанд.
Бино ба маълумоти Бонки миллии Тоҷикистон (БМТ), «тайи ҳафта қурбҳои миёнаи амалиёт бо рубли русӣ ва евро каме паст шуда, мувофиқан 0,1185-0,1200 сомонӣ ба як рубли русӣ ва 7,2910-7,3250 сомонӣ ба як евро баробар шуд».
Зимнан зикр мегардад, ки «қурби миёнаи доллари ИМА дар нуқтаҳои мубодилаи асъори ҷумҳурӣ чун ҳафтаи пешина бетағйир боқӣ монда, дар ҳудуди то 6,5200-6,5400 сомонӣ муқаррар карда шуд».
