Ҳукумати Тоҷикистон тағйироту илова ба қонуни кишвар «Дар бораи Буҷети давлатии ҶТ барои соли 2015»-ро омода мекунад, ки мутобиқи он сохтмони меҳмонхонаи панҷситорадори «Исмоили Сомонӣ» дар хиёбони Рӯдакии пойтахт аз пардохти андоз аз арзиши иловашуда, андоз аз истифодабарандгони роҳҳои автомбилгард ва андоз аз фоида озод карда мешавад.
Тавре як манбаъ аз ҳукумати ҷумҳурӣ ба «Азия-Плюс» дар ин робита иттилоъ дод, тағйироту иловаи мазкур ба буҷет баъди таътили тобистонаи вакилон ба парлумон пешниҳод шуда, алҳол миқдор маблағе, ки аз ин ҳисоб ба буҷет ворид намешавад, маълум нест.
Соли гузашта бо пешниҳоди ҳукумат ин иншоот барои ворид намудани таҷҳизот ба ҷумҳурӣ аз пардохти андоз аз арзиши иловашуда ва боҷи гумрукӣ озод карда шуда, он замон ҳаҷми маблағҳои аз пардохти андозҳо озодшуда 7 млн. 627 ҳазор сомониро ташкил дода буд.
Ёдрас мекунем, ки сохтмони меҳмонхонаи панҷситорадори 16-ошёнаи «Исмоили Сомонӣ» дар маркази пойтахт соли 2006 шурӯъ гардид.
