– Тӯли ним соли ҷорӣ зимни санҷишҳои аудитории Палатаи ҳисоби Тоҷикистон дар ҳаҷми 85 млн. сомонӣ зиёни молӣ ошкор карда шуд, ки нисбат ба ҳамин давраи соли гузашта 71 млн. сомонӣ зиёдтар аст, – изҳор намуд зимни нишасти хабарии имрӯзаи ҷамъбасти нимсола раиси Палатаи ҳисоби Тоҷикистон Дилмурод Давлатзода.
«Ғайр аз ин, аз ҷониби аудиторони Палата ба маблағи умумии 86,6 млн. сомонӣ истифодаи ғайримақсадноки воситаҳои давлатӣ ва ба маблағи 8,2 млн. сомонӣ истифодаи бесамари воситаҳо низ ошкор шуданд», – гуфт ӯ.
Зимнан зикр гардид, ки ҳаҷми воситаҳои барқароршуда 18,4 млн. сомонро ташкил додааст, ки ба 21,8% аз ҳаҷми умумии зиёни молии расида баробар аст. «Аз ҷумла 14,2 млн. сомонӣ маблағҳо ба буҷети давлатӣ ва 4,1 млн. сомонӣ ба корхонаву ташкилотҳо баргардонида шуд», – афзуд номбурда.
