Тибқи мувофиқаи пешакии сафири Тоҷикистон дар Русия Имомуддин Сатторов бо узви Шӯрои Маҷлиси федералии Русия Сергей Лисовский, дар сафорати ҶТ дар Маскав миёни директори иҷроияи Ассотсиатсияи миллии марказҳои тақисмоти яклухт В.Лишук, роҳбари намояндагии минтақавии ин марказ А.Макаркин ва кормандони сафорат, ки ба бахши иқтисодӣ масъуланд, гуфтушунид доир гардид.
Бино ба иттилои хадамоти матбуоти намояндагии дипломатии Душанбе дар Маскав, дар мулоқот аз ҷониби Тоҷикистон – мушовири сафорат Т.Д.Юнусов, мудири шуъбаи иқтисоди сафорат А.А.Шарифов, намояндаи тиҷоратии Тоҷикистон дар Русия М.Саидов, раиси Ассотсиатсияи байнулмилалии истеҳсолкунандагон ва содироткунандагони Тоҷикистон А.Неъматов ҳузур доштаанд.
Гуфта мешавад, зимни мулоқот масоили иваз кардани маҳсулоти кишоварзии истеҳсолкунандагони туркӣ, дурнамои рушди таъсису фаъолияти марказҳои тақсимоти якулухт дар Тоҷикистон, таҳвили маҳсулоти кишоварзии истеҳсолкунандагони маҳаллӣ ба Русия ва дигар масоили мавриди таваҷҷуҳи тарафайн баррасӣ шуданд.
