Шаби 2 ба 3 декабр хизматчиёни ҳарбии Қушӯнҳои сарҳадии КДАМ Тоҷикистон дар ВМКБ ҳамроҳ бо кормандони Раёсати КДАМ дар ВМКБ дар яке аз қитъахои марзи дастаи сарҳадбонии Хоруғ шаҳрванди 20-солаи вулусволии Шуғнони Афғонистон Амонулло валади Абдуллоро зимни убури ғайриқонунии марз дастгир карданд.
Котиби матбуотии Сарраёсати Қушӯнҳои сарҳадии КДАМ Тоҷикистон Муҳаммад Улуғхоҷаев ба «Азия-Плюс» дар ин робита иттилоъ дод, ки аз боздоштшуда 6 кило маводи мухаддири ҳашиш дарёфт ва мусодира шудааст.
Зимнан зикр гардид, ки нисбати шаҳрванди кишвари ҳамсоя аз рӯи далели убури ғайриқонунии марзи давлатӣ парвандаи ҷиноӣ боз шуда, тафтишот ҷараён дорад.
