Бо пешниҳоди президенти Тоҷикистон Эмомалӣ Раҳмон ба рӯзномаи иҷлосияи палатаи болоии парлумон баррасии масъалаи марбут ба бозхонди ду судяи Суди олии ҷумҳурӣ аз вазифаҳояшон ворид шудааст.
Тавре ба «Азия-Плюс» як манбаъ аз Маҷлиси миллии Маҷлиси Олии ҷумҳурӣ дар ин робита иттилоъ дод, аъзои Маҷлиси миллӣ имрӯз ҳамчунин пешниҳоди президент дар бораи бозхонди чор судяи Суди олии иқтисодии Тоҷикистон аз мансабҳояшонро низ баррасӣ мекунанд.
То оғози кори иҷлосия манбаъ аз ифшои ному насаби судяҳое, ки аз вазифаҳояшон бозхонд карда мешаванд, худдорӣ варзид.
