Ба хотири дастгирӣ аз қабули қонун «Дар бораи Асосгузори сулҳу Ваҳдати миллӣ- Пешвои миллат» дар майдони «800-солагии Маскав»-и шаҳри Душанбе аксияи ҷавонон пайрави «Пешвои миллат» доир гардид.
Иқдоми мазкур бо ташаббуси Кумитаи ҷавонон, варзиш ва сайёҳии назди ҳукумати Тоҷикистон сурат гирифта, дар он наздики 4 ҳазор нафар донишҷӯёну ҷавонон аз маинтақаҳои гуноугуни ҷумҳурӣ ҳузур доштанд.
Қобили зикр аст, ки ин аксияи ҷавонон баъди як рӯзи ба имзо расидани қонун «Дар бораи Асосгузори сулҳу Ваҳдати миллӣ- Пешвои миллат» доир гардида, нишони дастгирии насли ҷавони кишвар аз қабули ин қонун аст.
Ёдрас мекунем, ки Президенти Тоҷикистон Эмомалӣ Раҳмон рӯзи 25 декабр қонун «Дар бораи Асосгузори сулҳу Ваҳдати миллӣ- Пешвои миллат»-ро
ба имзо расонид.
Ин қонун 9 декабр аз тарафи Маҷлиси намояндагони Маҷлиси Олии Тоҷикистон ва 18 декабр аз тарафи палатаи болоии парлумон якдилона ҷонибдорӣ карда шуд.
