Аз 19 то 22 майи соли 2016 дар шаҳри Петрозаводски Ҷумҳурии Карелияи Русия таҳти унвони «Ҷаҳон ва мусиқӣ. Россия ва Полша» фестивал-озмуни байналмилалии пианистони ҷавон, баргузор гардид.
Бино ба иттилои хадамоти матбуоти Вазорати фарҳанги ҶТ, дар фестивали мазкур хонандаи синфи 8-уми муассисаи таълимии «Мактаб-интернати миёнаи махсуси мусиқии ҷумҳуриявӣ ба номи З.Шаҳидӣ» Набиева Зарнисор ширкат варзида, бо Дипломи дараҷаи 1 сарфароз гардидааст.
Гуфта мешавад, Зарнисор Набиева бо ҳамроҳии омӯзгори сози фортепиано Ванда Макиевская сафар карда буд. Дар консерт ҳайати ҳакамон аз кишварҳои Белорус, Полша, Эстония ва Россия интихоб шуда буданд.
Зимнан зикр мегардад, ки асарҳои иҷрогардидаи намояндаи Ҷумҳурии Тоҷикистон З.Набиева аз ҷониби мутахассисони соҳавӣ хуш пазируфта шуда, сазовори баҳои баланд гардидааст.
