Кумитаи ҳолатҳои фавқулода шаҳрвандон ва меҳмонони ҷумҳуриро огоҳ мекунад, ки ахири ҳафта дар Тоҷикистон босуръат поинравии ҳарорат, боронҳои шадиди ба барф табдилёбанда дар назар аст.
Бино ба маълумоти Кумита, аз 19 то 26 ноябр обуҳаво дар кишвар сарду сербориш шуда, дар қитъаҳои роҳҳои минтақаи кӯҳистон тармафароӣ ва яхбандии роҳҳо эҳтимол дорад.
«Дар ин робита эҳтимоли хатари марбут ба кандашавии симҳои хатҳои алоқа ва интиқоли барқ, афзоиши шумори ҳодисаҳои садамаи нақлиёт вуҷуд дорад. Ба шаҳрвандон тавсия медиҳем, ки дар ин рӯзҳо бидуни зарурат тариқи роҳҳои кӯҳистон ба сафар набароянд, дар кӯчаҳо ҳушёру бодиққат буда, ба симҳои хати интиқоли барқ таваҷҷуҳ зоҳир кунанд», – ҳушдор медиҳад Кумита.
Ҳамчунин ба шаҳрвандон тавсия дода мешавад, ки дар сурати ошкор шудани симҳои кандашудаи хатҳо алоқа ва интиқоли барқ ба маъмурияти маҳаллаи аҳолинишин хабар диҳанд.
