Ширкати Tcell бо тарҳи вижаи худ “Коммуникатсияи ЧӣГап” ба сегонаи беҳтарин лоиҳаҳо дар ду номинатсияи бузургтарин ҷоизаи ҷаҳонии Excellence Awards роҳ ёфт!
Excellence Awards – ҷоизаест дар умури дастовардҳои ширкатҳои бузургтарин дар бахши коммуникатсия (PR, маркетинг ва реклама). Ҷоиза 5 қитъаи ҷаҳон (Африқо, Минтақаи Осиё ва уқёнуси ором, Аврупо, Амрикои Лотинӣ ва Амрикои Шимолӣ)-ро фаро мегирад.
Tcell имсол дар бахши ҷоизаҳои минтақаи Осиё-уқёнуси ором (Asian-PacificExcellence Awards), ки беш аз 2500 дархост равона шуда буд, номзад гардид. Тарҳи Tcell “Коммуникатсия дар тавсеаи барномаи ЧӣГап” дар баробари ширкатҳои маъруфе назири GlobeTelecom, Etisalat, PwC ва Baxter, яке аз беҳтаринҳо дар ду бахш – “Телекоммуникатсия” ва “Коммуникатсияи майдашабакавӣ” эълон шуд.
Нахустин барномаи мобилии тоҷикӣ барои гуфтугӯ “ЧӣГап” 13 апрели соли 2015 расман фаъол шуд. Чанд рӯз пештар аз шурӯи ин тарҳ ду сол пур гардид. “ЧӣГап” – барномаест, ки пули лозимро барои иртибот бо тамоми ҳамватанон, ки дар муҳоҷирати корӣ дар Русия қарор доранд, дар хориҷи кишвар таҳсил ё зиндагӣ мекунанд, фароҳам мекунад. Барномаи “ЧӣГап” ба миллион истифодабаранда имкон медиҳад, ҳамеша “онлайн” бошанд, бо ҳамдигар гуфтугӯи катбӣ, садоӣ ва видеоӣ намоянд. Махсусияти хоси барнома дар он аст, ки интерфейс бо забони тоҷикӣ ҳам коркард шудааст ва истифодаи онро барои ҳамватанон роҳат мегардонад. Ба сифати “смайлик” ва “рамзҳо” дар барнома рамзҳои миллӣ истифода мешаванд.
Давоми ду соли мавриди амал қарор гирифтани барнома он ҳамеша такмил ва беҳтар мешавад – дар он хизматрасониҳои нав, ки истифодабариашро осон мегардонанд, фаъол мегарданд.
Дар раванди баргузории ҷоиза ба истифодаи коммуниккатсия ҳангоми тавсеаи барнома таъкид шуд. Tcell аз шабакаҳои зиёди коммуникатсия монанди онлайн, оффлайн, дар ҳудуди Тоҷикистон ва берун аз онро истифода кардааст. Шурӯъ аз минтақаҳои мухталифи Тоҷикистон, ин барномаи Tcell ба онҳое, ки кишварро тарк намуданд, ёрӣ расонд, то бо хонаводаҳои худ ҳамеша дар иртибот бошанд. Дар 39 Маркази хизматрасонии муштариҳои ширкат дар тамоми қаламрави кишвар, гӯшаи махсуси “гӯшаи муҳоҷират” фаъол аст, ки одамон метавонанд маълумоти ҳуқуқӣ ва иттилои лозим дар бораи муҳоҷиратро пайдо кунанд ва ҳамчунин барномаи “ЧӣГап”-ро насб ва озмоиш кунанд. Дар чандин бузургшаҳрҳои Русия барои ҳамватанон бо иштироки ситораҳои эстрадаи Тоҷикистон консертҳо баргузор шуд. Онҷо низ имкони дарёфти маълумот ва насби ин барнома мавҷуд буд.
Барои барномаи “ЧӣГап” ҷиҳати истифодаи муштариён сайти махсус сохта шуд – www.chigap.tj. То имрӯз барномаи мазкурро беш аз 300 000 маротиба ҳифз кардаанд.
Дар ҷоизаи Excellence Awards ширкатҳои ҷаҳоние монанди Samsung, Airbnb, FordMotor, WarnerBros. Pictures, Nestle, Procter&Gamble, Mastercard, SavetheChildren ва Visa ҳам иштирок доштанд. Ҳайати доварон аз шикартҳои Microsoft, L’Oréal, Telstra, Porsche, Sony ва UNICEF буданд.
Ин бори аввал нест, ки ширкати Tcell дар сатҳи ҷаҳонии маркетинг ва PR эътироф мешавад. Моҳҳо ноябр ва декабри соли 2016 лоиҳаи “Форумҳои боз” аз ширкати Tcell ду ҷоизаи байналмилалӣ дарёфт кард: “Беҳтарин чорабинии маърифатӣ”-и ҷоизаи EACA (Event Awards CentralAsia) ва “Беҳтарин лоиҳаи иҷтимоӣ”-и ҷоизаи GlobalEvent Awards. Он замон тарҳи “Форумҳои боз” миёни 84 лоиҳа аз 11 кишвар яке аз беҳтаринҳо дониста шуд. Тарҳи “Интернет барои ҳама” бошад, соли 2016 дар номинатсияи “Беҳтарин чорабинии маркетингӣ”-и ҷоизаи EACA ҷойи намоёнро ишғол намуд.
Tcell – боз ҳам наздиктар!
