Гурӯҳи аввалини зойирини тоҷик ҷиҳати адои маросими ҳаҷ рӯзи 16 август ба Ҷидда раҳсипор мешаванд.
Раиси Кумитаи дин, танзими анъана ва ҷашну маросимҳои миллии ҷумҳурӣ Сулаймон Давлатзода зимни нишасти хабарии имрӯза таъкид дошт, ки тибқи созишҳои ҳосилшуда миёни Тоҷикистон ва Арабистони Саудӣ, имсол ду ширкати ҳавопаймоии ҳарду давлат – “Сомон Эйр” ва Flynas ба ҳаҷравандагон хизматгузорӣ мекунанд.
Парвозҳо ба шаҳри Ҷидда аз ду шаҳри Тоҷикистон – Душанбе ва Хуҷанд сурат мегиранд. То охири моҳи август тамоми зойирини тоҷикистонӣ ба ҳаҷ раҳсипор хоҳанд шуд.
Арзиши ҳаҷ барои тоҷикистниён имсол 32 ҳазору 671 сомонӣ (тибқи қурби ҳозира – беш аз 3 ҳазору 630 доллар) муқаррар шудааст. Шумори квотаҳо ба Тоҷикистон барои адои маросими ҳаҷ бетағйир – 6,3 ҳазор нафар боқӣ мондааст.
