Ҳайати вилояти Сурхондарёи Ӯзбекистон таҳти сарварии муовини раиси ин вилоят Рӯзимурод Чориев дар тантанаҳои ҷашни Рӯзи истиқлолияти Тоҷикистон дар шаҳри Турсунзода иштирок кард.
Меҳмонон бо дастовардҳои иқтисодӣ ва фарҳангии шаҳр шинос шуда, ба сохтмони иншооти солҳои ахир сохташуда баҳои баланд доданд.
ИЗОБРАЖЕНИЕ Истиқболи меҳмонон дар марз
Раиси шаҳри Турсунзода Суҷоуддин Саломзода дар сухани шодбошии худ қайд кард, ки ним соли охир бо ташаббуси соҳибкорони маҳаллӣ ба маблағи умумии беш аз 48 млн. сомонӣ иншооти гуногуни таъиноти иқтисодиву иҷтимоӣ сохта шуда, садҳо нафар бо ҷойҳои корӣ таъмин гардиданд. Мактаби нав, пули болои дарёи Ширкент, корхонаи нави маҳсулоти ширӣ дар Пахтаобод, чор бунгоҳи тиббӣ, бинои сеошёнаи маъмурӣ дар маркази шаҳр ва ғайра аз ҷумла ин иншоот мебошанд.
ИЗОБРАЖЕНИЕ Барномаи консертӣ табъи меҳмононро болида гардонид
Меҳмонони ӯзбек, аз ҷумла раиси ноҳияи Сариосиё, мансабдорони давлатии вилояти Сурхондарё ва соҳибкорон барномаи консертиро тамошо карда, аз Қалъаи Ҳисор боздид намуданд.
ИЗОБРАЖЕНИЕ Раиси шаҳри Турсунзода Суҷоуддин Саломзода (аз рост) ва муовини ҳокими вилояти Сурхондарёи Ӯзбекистон Рӯзимурод Чориев.
Ташрифи меҳмонони ӯзбек сафари ҷавобӣ аст. Як ҳафта пеш намояндагони ҳукумати шаҳри Турсунзода дар тантанаҳои ҷашни Рӯзи истиқлолияти Ӯзбекистон дар Тирмиз ҳузур доштанд. Меҳмонон изҳори итминон карданд, ки минбаъд чунин сафарҳо зиёд шуда, ба таҳкими робитаҳои дӯстона миёни мардуми ҳарду кишвар мусоидат мекунанд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
