Аз 10 ноябр дар Осорхонаи миллии Тоҷикистон бахшида ба 100-солагии Инқилоби соли 1917 таҳти унвони «1917. Рамзи инқилоб» (1917. Код революции) намоишгоҳ ба кор оғоз мекунад.
Намоишгоҳ аз ҷониби Ҷамъиятии таърихии Русия, Осорхонаи давлатии марказии таърихи муосири Русия ва Фонди «Таърихи ватан» бо дастгирии Россотрудничество созмон дода мешавад.
Тавре дар сомонаи Россотрудничество дар ин робита хабар дода мешавад, дар намоишгоҳ аксҳо аз бойгонӣ ва нусхаҳои санадҳо доир ба вазъи Русия дар аввали асри ХХ, рӯйдодҳои муҳим ва қаҳрамонҳои инқилоби Русия дар солҳои 1905-1907, Инқилоби моҳи Феврал ва Инқилоби Кабири Октябр ба маърази тамошо гузошта мешаванд.
Қобили зикр аст, ки Росстотрудничество дар чорабиниҳо ба муносибати 100-солагии Инқилоби Октябр фаъолона ширкат меварзад. Дар беш аз 80 кишвари саросари ҷаҳон ба ин муносибат намоишгоҳҳо, конфронсҳои илмиву семинарҳо баргузор мешаванд, ки ҳадаф аз онҳо ба сокинони кишварҳои хориҷӣ фаҳмонидани дарку тарзи муносибати дуруст ба воқеияти таърихӣ мебошад.
