Дар бинои Хадамоти гумруки назди ҳукумати Ҷумҳурии Тоҷикистон дар шаҳри Душанбе, Кордори Сафорати ИМА Кевин Коверт ба Абдуфатоҳи Ғоиб, роҳбари Хадамоти гумрук калидҳои бинои нави хадамотро воқеъ дар ноҳияи Мурғоб супорид.
Бинои нав дар гузаргоҳи сарҳадии «Қизил-Арт» воқеъ дар сарҳади Тоҷикистону Қирқизистон (қисмати дурдасти шимолу шарқи мамлакат) қарор дорад. Дар бинои мазкур 20 нафарро ҷойгир кардан мумкин аст. Илова бар ин, бино утоқҳои хобӣ, ошпазхона ва утоқҳои кориро дар бар мегирад.
Кордори Сафорати ИМА Кевин Коверт фаъолияти муҳими Хадамоти гумрукро эътироф намуда ва такроран итминони эҳтироми Иёлоти Муттаҳидаи Амрикоро нисбат ба мустақилияти Ҷумҳурии Тоҷикистон дар таъмини амнияти сарҳадоти худ изҳор намуд.
Идораи муборизаи байналмиллалӣ алайҳи маводи мухаддир ва фаъолияти ҳифзи ҳуқуқи (INL) Департаменти Давлатии ИМА барои сохтмон 76 ҳазору 7000 доллари ИМА-ро ҷудо намуд. Соли оянда, бо мақсади бо барқ таъмин намудани бино, INL маблағгузории насби турбинаҳои шамолӣ ва батареяҳои офтобиро ба нақша гирифтааст.
Дар давоми 10 соли охир барои таъмини амнияти марзҳои Тоҷикистон INL тақрибан 9 млн. доллари ИМА-ро кумак кард. Ин маблағ асосан барои сохтмони иншоот, омодасозии кадрҳо ва интиқоли таҷҳизоти зарурӣ масраф гардид.
Тоҷикистон шарики муҳим дар чорчўбаи Стратегияи ИМА оиди Осиёи Ҷанубӣ маҳсуб меёбад. Ҳадаф аз Стратегияи мазкур таҳкими амният, субот ва шукуфоӣ дар саросари минтақа мебошад. Дар доираи муносибатҳои шарикӣ байни ИМА ва Ҷумҳурии Тоҷикистон расонидани кўмак ҷиҳати таъмини амният ва субот дар Осиёи Марказӣ ва Ҷанубӣ идома дорад.
