Департаменти давлатии ИМА 10 нафар ҷавонони пешворо қадрдонӣ кард, ки байни онҳо донишҷӯи 22-солаи Донишгоҳи славянии Русия ва Тоҷикистон Фирӯз Ёғбеков низ ҳузур дорад.
Дар маълумоти сомонаи расмии Вазорати корҳои хориҷии ИМА гуфта мешавад, “бо эътироф аз нақши мусбат дар бунёди сулҳи устувор, Департаменти давлатӣ ҷавонони пешворо қадрдонӣ менамояд”.
Маросими ҳамасолаи тақдими ҷоизаҳои “Пешвоёни ҷавон” рӯзи чоршанбеи ҳафтаи гузашта, 2 май дар Вашингтон баргузор шуд.
Имсол ҷоиза ба 10 нафар ҷавонон аз кишварҳои гуногун “барои талошҳои шарикона дар таҳкими сулҳ ва пешбурди рушди иқтисод ва имконоти нав” тақдим гардид.
Миёни 10 нафар пешвоёни ҷавон донишҷӯи курси сеюми факултаи иқтисодии Донишгоҳи славянии Русия ва Тоҷикистн Фирӯз Ёғбеков низ ҳузур дорад.
ИЗОБРАЖЕНИЕ Фирӯз Ёғбеков
Гуфта мешавад, ин ҷавонон то 12 май дар барномаи махсус оид ба тавсеъаи имконоти раҳбарии онҳо, донишҳояшон дар бораи стратегияҳои идоракунӣ дар бахшҳои ғайритиҷоратӣ, давлатӣ ва хусусӣ, омӯзиш ва табодули таҷриба, ҳамчунин густариши захираҳои шабакавӣ ва дастгирӣ иштирок мекунанд.
“Дар барнома омӯзиши малакаҳои густариши ҳамкорӣ оид ба масъалаҳои глобалии марбут ба ҷавонон, бахусус саҳмгузор дар бунёди сулҳу мубориза бо ифротгароӣ, тавсеъаи ҳуқуқу имконоти ҷавонон пешбинӣ шудааст”, – таъкид мешавад дар маълумот.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
