Бахшида ба Рӯзи байналмилалии ҳифзи кӯдакон дар Муассисаи давлатии махсуси табобатии Хонаи кӯдакони шаҳри Хуҷанд чорабинии идона доир шуд.
Бино ба иттилои хадамоти матбуоти раиси вилояти Суғд, роҳбари вилоят Раҷаббой Аҳмадзода ва раиси шаҳри Хуҷанд Маъруф Муҳаммадзода бо мақсади иштирок дар чорабинии идона, ба аёдати тарбиятгирандагони ин муассиса омада, кӯдаконро табрику таҳният ва ба онҳо тӯҳфаҳо тақдим намуданд.
ИЗОБРАЖЕНИЕ
Қайд гардид, ки дар Тоҷикистон аксарияти аҳолиро ҷавонону наврасон ташкил медиҳанд ва аз ин лиҳоз баҳри ҳимояи ҳуқуқи кӯдакон, беҳтар намудани кори таълиму тарбия ва дастгирии кӯдакони ятиму бепарастор таваҷҷуҳи хоса зоҳир мешавад.
ИЗОБРАЖЕНИЕ
Ба муассисаи иҷтимоӣ аз ҷониби Раиси вилоят яхдону чангкашак ва дигар лавозимоти зарурӣ ва барои 60 нафар бошандагони он аз тарафи сарпарастон туҳфаҳо тақдим гардида, дастурхони идона ороста шуд.
Зимнан зикр мегардад, ки дар вилояти Суғд 19 муассисаи иҷтимоӣ фаъолият дошта, дар онҳо беш аз 1800 нафар ба таълиму ғамхорӣ фаро гирифта шудаанд.
ИЗОБРАЖЕНИЕ
Гуфта мешавад, ба муносибати Рӯзи байналмилалии ҳифзи кӯдакон имрӯз дар ҳамаи муассисаҳои иҷтимоӣ чорабиниҳо ташкил гардида, аз ҷониби сарпарастону саховатмандон дастархони идона ороста шуд.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
