Ҷамъияти тоҷикони Малайзия (Tajik society in Malaysia) бо ташаббуси як гурӯҳ шаҳрвандону донишҷӯёни машғули кору таҳсил дар ин кишвар дар ҳамдастӣ бо сафорати Тоҷикистон дар Малайзия таъсис дода шуд.
Дар намояндагии дипломатии Тоҷикистон дар Куала-Лумпур охири ҳафтаи гузашта ба муносибати ҷашни Рӯзи ваҳдати миллӣ чорабинӣ доир гардид.
Сафири Тоҷикистон дар Малайзия Музаффар Муҳаммадӣ ба «Азия-Плюс» иттилоъ дод, ки таъсиси ин ҷамъият дар рӯзҳои ҷашни умумимиллӣ нишони ваҳдат ва муттаҳидии миллат натанҳо дар дохил, балки дар хориҷи кишвар низ мебошад.
ИЗОБРАЖЕНИЕ
Зикр гардид, ки Ҷамъияти тоҷикони Малайзия фаъолияти худро баҳри болоравии нуфуз ва обрӯи Тоҷикистону миллати тоҷик ва муттаҳидиву сарҷамъӣ, дастгирии ҳамдигарии шаҳрвандон дар кишвари ҳузур равона хоҳад кард.
Ба гуфтаи дипломати тоҷик, айни замон наздики 200 нафар шаҳрвандони Тоҷикистон дар Малайзия кору зиндагӣ ва таҳсил мекунанд.
ИЗОБРАЖЕНИЕ
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
